秋分節氣代表真正進入秋季，剛好是秋季的中間點，晝夜時間長短一樣，即夏令時間差不多完了。記起ECmama 在中學時段，學校仲有夏令時間，當時都唔知代表d咩，只知可以早d放學，早d有得玩！
係9月中晚上我地仲見到有行雷閃電，古人認為雷是因為陽氣盛而發聲，秋分後陰氣開始旺盛，所以不再打雷了，仲有句說話，“一場秋雨一場寒”，大家不妨感受一下古人既智慧同觀察。
秋分係養生中也應著重陰陽平衡的規律，要想保持身體的陰陽平衡，首先要防止外界邪氣的侵襲，即係當氣溫唔穩定，暑熱又未退盡，過多或過早咁換哂d秋裝，一旦氣溫回升，出汗多左，好容易又傷風感冒架啦！
飲食調養方面，應多喝水，吃清潤、溫潤的食物，如芝麻、核桃、蜂蜜、梨等，可以起到滋陰潤肺、養陰生津的作用。
秋分古時既人會玩雞蛋，睇下可唔可以將隻雞蛋豎起唔跌，古人話係秋分個日玩成功率會高d !大家今日又試一試！
[stellar]
